ਮਹਾਰਾਸ਼ਟਰ ਵਿਧਾਨ ਸਭਾ `ਚ ਹਿੰਦੀ ਭਾਸ਼ਾ `ਚ ਸਹੁੰ ਚੁੱਕ ਰਹੇ ਵਿਧਾਇਕ ਅਬੂ ਆਜ਼ਮੀ ਦੀ ਰਾਜ ਠਾਕਰੇ ਦੇ ਹਮਾਇਤੀਆਂ ਵਲੋਂ ਕੁਟਮਾਰ

ਮਹਾਰਾਸ਼ਟਰ ਵਿਧਾਨ ਸਭਾ 'ਚ ਹਿੰਦੀ ਭਾਸ਼ਾ 'ਚ ਸੌਂਹ ਚੁੱਕਣ ਨੂੰ ਲੈ ਕੇ ਐਮਐਨਐਸ ਦੇ ਵਿਧਾਇਕ ਗੁੰਡਾਗਰਦੀ ਕਰਦੇ ਨਜ਼ਰ ਆਏ। ਐਮਐਨਐਸ ਦੇ ਵਿਧਾਇਕਾਂ ਨੇ ਸਪਾ ਵਿਧਾਇਕ ਅਬੂ ਆਜ਼ਮੀ ਦਾ ਮਾਈਕ ਖੋਹਣ ਤੋਂ ਇਲਾਵਾ ਉਨ੍ਹਾਂ ਦੇ ਕਸੁੰਨ ਵੀ ਲਾਏ। ਅਬੂ ਆਜ਼ਮੀ ਦਾ ਗੁਨਾਹ ਇਨ੍ਹਾ ਹੀ ਸੀ ਕਿ ਉਹ ਉਸ ਭਾਸ਼ਾ 'ਚ ਸੌਂਹ ਲੈਣ ਦੀ ਕੋਸ਼ਿਸ ਕਰ ਰਹੇ ਸਨ,ਜੋ ਦੇਸ਼ ਦੇ 35 ਫ਼ੀਸਦੀ ਤੋਂ ਜ਼ਿਆਦਾ ਲੋਕ ਬੋਲਦੇ ਹਨ ਅਤੇ 60 ਤੋਂ 70 ਫ਼ੀਸਦੀ ਤੱਕ ਲੋਕ ਸਮਝਦੇ ਹਨ। ਇਸ ਦੌਰਾਨ ਮੁੱਖ ਮੰਤਰੀ ਅਸ਼ੋਕ ਚੌਹਾਣ ਚੁੱਪਚਾਪ ਸਦਨ 'ਚ ਦੇਖਦੇ ਰਹੇ।ਐਮਐਨਐਸ ਦੇ ਵਿਧਾਇਕਾਂ - ਸ਼ਿਸਰ ਸ਼ਿੰਦੇ ਅਤੇ ਰਾਮ ਕਦਮ ਨੇ ਇਸ ਹੰਗਾਮੇ ਦੀ ਅਗਵਾਈ ਕੀਤੀ।