ਹਰਭਜਨ ਸਿੰਘ ਭੱਜੀ ਨੂੰ ਵਿਵਾਦਾਂ 'ਚ ਰਹਿਣ ਦੀ ਆਦਤ

ਬੰਗਲੋਰ : ਭਾਰਤੀ ਟੀਮ ਦੇ ਸਟਾਰ ਗੇਂਦਬਾਜ਼ ਹਰਭਜਨ ਸਿੰਘ ਭੱਜੀ ਨੂੰ ਵਿਵਾਦਾਂ 'ਚ ਰਹਿਣ ਦੀ ਆਦਤ ਪੈ ਗਈ ਹੈ। ਭਾਰਤੀ ਟੀਮ ਦੇ ਸ੍ਰੀਲੰਕਾ ਰਵਾਨਾ ਹੋਣ ਵਕਤ ਹਰਭਜਨ ਸਿੰਘ ਨੇ ਬੰਗਲੌਰ ਹਵਾਈ ਅੱਡੇ 'ਤੇ ਇਕ ਕੈਮਰਾਮੈਨ ਨੂੰ ਜ਼ੋਰਦਾਰ ਧੱਕਾ ਦੇ ਦਿੱਤਾ। ਭੱਜੀ ਇਸ ਮੌਕੇ ਖਾਸੇ ਗੁੱਸੇ 'ਚ ਨਜ਼ਰ ਆ ਰਹੇ ਸਨ। ਉਨ੍ਹਾਂ ਜਦੋਂ ਇਹ ਹਰਕਤ ਕੀਤੀ ਉਸ ਸਮੇਂ ਉਥੇ ਮੀਡੀਆ ਦੀ ਵੱਡੀ ਭੀੜ ਲੱਗੀ ਹੋਈ ਸੀ। ਜਿਸ ਕੈਮਰਾਮੈਨ ਨੂੰ ਭੱਜੀ ਨੇ ਧੱਕਾ ਦਿੱਤਾ ਉਹ ਇਕ ਸਥਾਨਕ ਟੀਵੀ ਚੈਨਲ ਨਾਲ ਸਬੰਧਤ ਸੀ। ਚੇਤੇ ਰਹੇ ਕਿ ਇਸ ਤੋਂ ਪਹਿਲਾਂ ਵੀ ਭੱਜੀ ਸਾਇਮੰਡਸ ਨਾਲ ਫ਼ਿਰ ਆੲਪੀਐਲ ਵਿਚ ਸ੍ਰੀਸ਼ਾਂਤ ਨੂੰ ਥੱਪੜ ਮਾਰਨ ਕਾਰਨ ਅਤੇ ਹੁਣੇ ਜਿਹੇ ਚੰਡੀਗੜ੍ਹ 'ਚ ਬਿਨ੍ਹਾਂ ਨੰਬਰ ਤੋਂ ਹਮਰ ਲੈ ਕੇ ਘੁੰਮਣ ਕਾਰਨ ਵਿਵਾਦਾਂ ਵਿਚ ਰਹੇ ਹਨ।