ਤਾਜ਼ਾ ਖਬਰ

ਪੰਜਾਬੀਏ ਜ਼ੁਬਾਨੇ ਨੀ ਰਕਾਣੇ ਮੇਰੇ ਦੇਸ਼ ਦੀਏ, ਫਿੱਕੀ ਪੈ ਗਈ ਚੇਹਰੇ ਦੀ ਨੁਹਾਰ .. ਨੀਂ.., ਮਿੱਢੀਆਂ ਖਿਲਾਰੀ ਫਿਰੇ, ਨੀਂ ਬੁੱਲੇ ਦੀਏ ਕਾਫ਼ੀਏ, ਕੀਹਣੇ ਤੇਰਾ ਲਾਹ ਲਿਆ ਸ਼ਿੰਗਾਰ.. ਨੀਂ....

Friday, April 23, 2010

ਪੰਜਾਬ ਬਿਜਲੀ ਬੋਰਡ ਦੇ ਦੋ ਟੁਕੜੇ

‘ਪਾਵਰਕਾਮ’ ਅਤੇ ‘ਟ੍ਰਾਂਸਕਾਮ’ ਕੰਪਨੀਆਂ ਨੇ ਲਈ ਬੋਰਡ ਦੀ ਜਗਾ
ਚੰਡੀਗੜ : ਪੰਜਾਬ ਰਾਜ ਬਿਜਲੀ ਬੋਰਡ ਦੇ ਮੁਲਾਜਮਾਂ ਦੇ ਵਿਰੋਧ ਦੇ ਬਾਵਜੂਦ ਪੰਜਾਬ ਸਰਕਾਰ ਨੇ ਬੋਰਡ ਦੇ ਨਿਗਮੀਕਰਨ ਨੂੰ ਪ੍ਰਵਾਨਗੀ ਦਿੰਦਿਆਂ ਇਸ ਨੂੰ ‘ਪਾਵਰਕਾਮ’ ਅਤੇ ‘ਟ੍ਰਾਂਸਕਾਮ’ ਕੰਪਨੀਆਂ ਵਿਚ ਵੰਡਣ ਦਾ ਐਲਾਨ ਕਰ ਦਿੱਤਾ ਹੈ। ਮੰਤਰੀ ਮੰਡਲ ਦੀ ਬੈਠਕ ਤੋਂ ਬਾਅਦ ਜਾਣਕਾਰੀ ਦਿੰਦਿਆਂ ਰਾਜ ਦੇ ਮੁੱਖ ਸਕੱਤਰ ਸੁਬੋਧ ਅਗਰਵਾਲ ਨੇ ਦੱਸਿਆ ਕਿ ਰਾਜ ਵਿਚ ਬਿਜਲੀ ਸੁਧਾਰ ਲਾਗੂ ਕਰਨ ਸਬੰਧੀ ਕੇਂਦਰ ਵਲੋਂ ਰਾਜ ਨੂੰ ਮਿਲੀ 17ਵੀਂ ਮੁਹਲਤ ਖਤਮ ਹੋ ਜਾਣ ਦੇ ਨਾਲ ਪੰਜਾਬ ਰਾਜ ਬਿਜਲੀ ਬੋਰਡ ਨੂੰ ਭੰਗ ਕਰਕੇ ਇਸ ਨੂੰ ਦੋ ਸਰਕਾਰੀ ਕੰਪਨੀਆਂ ਵਿਚ ਵੰਡੇ ਜਾਣ ਦੀ ਤਜਵੀਜ਼ ਨੂੰ ਪ੍ਰਵਾਨਗੀ ਦੇ ਦਿੱਤੀ ਗਈ ਹੈ, ਜਿਸ ਅਧੀਨ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ ਅਤੇ ਪੰਜਾਬ ਸਟੇਟ ਟਰਾਂਸਮਿਸ਼ਨ ਕਾਰਪੋਰੇਸ਼ਨ ਲਿਮਟਿਡ ਨਾਂਅ ਦੀਆਂ ਦੋ ਕੰਪਨੀਆਂ ਰਜਿਸਟਰਡ ਕਰਵਾਈਆਂ ਜਾਣਗੀਆਂ। ਪਹਿਲੀ ਕੰਪਨੀ ਬਿਜਲੀ ਦੀ ਪੈਦਾਵਾਰ ਅਤੇ ਵੰਡ ਦਾ ਕੰਮ ਵੇਖੇਗੀ, ਜਦੋਂਕਿ ਦੂਸਰੀ ਕੰਪਨੀ ਬਿਜਲੀ ਦੇ ਟਰਾਂਸਮਿਸ਼ਨ ਦੇ ਕੰਮ ਨੂੰ ਸੰਭਾਲੇਗੀ। ਉਨਾਂ ਕਿਹਾ ਕਿ ਇਹ ਦੋਨੋਂ ਕੰਪਨੀਆਂ ਪੂਰਨ ਤੌਰ ’ਤੇ ਸਰਕਾਰੀ ਹੋਣਗੀਆਂ ਅਤੇ ਇਨਾਂ ਵਿਚ ਕੋਈ ਨਿੱਜੀ ਭਾਈਵਾਲੀ ਨਹੀਂ ਹੋਵੇਗੀ। ਉਨਾਂ ਦੱਸਿਆ ਕਿ ਟਰਾਂਸਮਿਸ਼ਨ ਲਈ ਵੱਖਰੀ ਬਣਾਈ ਜਾਣ ਵਾਲੀ ਕੰਪਨੀ ਲਈ ਮੁੱਖ ਕੰਪਨੀ ਤੋਂ ਕੋਈ 3500 ਮੁਲਾਜ਼ਮ ਡੈਪੂਟੇਸ਼ਨ ’ਤੇ ਲਏ ਜਾਣਗੇ ਅਤੇ ਇਨਾਂ ਦੋਵਾਂ ਕੰਪਨੀਆਂ ਦੇ ਚੇਅਰਮੈਨ, ਐ¤ਮਡੀ ਅਤੇ ਡਾਇਰੈਕਟਰ ਰਾਜ ਸਰਕਾਰ ਵਲੋਂ ਨਿਯੁਕਤ ਕੀਤੇ ਜਾਣਗੇ।

No comments:

Post a Comment